كترت مظااالمك
بقلم/عماد الأبنودي
••••••••••••••
كترت مظااالمك يااا زمن
و ظلمك سايد من سنين
و العدل تاه جوه مخالبك
و كفوفك بقى ليها ذمتين
برئ و اهو صوته اندبح
سجين ف وسط المذنبين
محروم من لحظة فرح
وأحزانه اهي فارده الجناجين
بجاحتك ملكت في حياتنا
بترمح حوالينا شمال و يمين
ضعفت فينا نخوة روحنا
عاااايشين و لكننا ميتين
فرعون ليه ماشي يتفرعن
يوزع جبروته كما القاسيين
طايح و ظلمه متسلطن
و سيفه مسنون ليه حدين
العيب في مين ياااا زمن
فينا ولا ... في السابقين
الكون ضاق على مطارحنا
م شر حجود البني آدمين
حسدت البحر على هدوءه
لقيته طلع من الغدارين
و لما جيت مرة .. ألومه
قاللي أوعاك تعاتب الخاينين
أنا كنت موهوم ياا زمني
و ماسك في حبالك الدايبين
فاكرك هتقدر و ترفع تمني
لقيتك خداع و أول البايعين
حرمت أتعشم تاني فجمايلك
و أقول حبايبي دول قريبين
جرحتني تملي بمخالبك
و سبت عيوني ... مدمعين
كترت مظاااالمك يااا زمن
و ظلمك سااااايد من سنين
بقلم
عماااد الأبنودي
27 ,11 ,2025
ليست هناك تعليقات:
إرسال تعليق