آااااه يادنيا
آه منك يادنيا بعمايلك خنقتيني
وجعتي قلبي وخنقتي انفاسي
وعلي الموت بتقربيني
آه منك يادنيا كفاية كدا وجعتيني
والله تعبت ماعاد فيه حتة سليمة
وبدموعي شبعتيني وغرقتيني
هو انا عملت ايه فيكي
علشان في سجنك تأسريني
وتخليني اتجرع الالم والوجع
وتسكري علي وجعي وأنيني
هو انتي حالفة لتقتليني
وللموت توصليني تزفيني
طيب كفاية كدا تعبت أوي
والله والله موتيني
شويه تهنيني ..شويه تجرحيني..
وضاع مني عمري وسنيني
لسه فاضل ايه ماعملتيهوش
لسه مخبيه ايه انا مشفتهوش
كنت بأحسب انك في يوم هترضيني
كنت مفكرة إنك في يوم ممكن تسعديني
لكن اقسم بربي خذلتيني
ماشفت فيكي يوم راحة ولا في يوم فرحتيني
حرام عليكي سيبيني
حرام عليكي كفايه وجعتيني
كفايه لعذابك تستهويني
وربي مامتحملة ٱلام تاني
وحياة اللي خلقك لوجهه اعتقيني
ع
زة عثمان
ليست هناك تعليقات:
إرسال تعليق