خاص بالمسابقه
شعر عامي شعبي
المرحله الثانيه
غاوي...منظره
،،،،، ،
ياللي انت غاوي منظره
ولابسلي جزمه منقره
فكر شويه وقولنا
لازمتها إيه المنظره
ياللي انت غاوي منظره
عارف أبوك كان إسمه إيه
وتعب عليك شوف قد ايه
راجع دفاتر حضرتك
وارجع كمان حبه لوره
ياللي انت غاوي منظره
العيشه كانت قول يادوب
والدار ماكنش فيها طوب
معموله من قش وحصير
كانت يا يدوب تيجي مندره
ياللي انت غاوي منظره
ومربي كلب في بيتكوا ليه
بتأكله وتصرف عليه
وتنام جنابك جنب حيط
م. الجوع دي وقعه دندره
ياللي انت غاوي منظره
أمك كتير تدعي عليك
وكمان أخوك مايحس بيك
راجع في آخر الليل تمام
باين عليك شارب خره
ياللي انت غاوي منظره
البنطلون مقطوع عليك
وكام غوبشه في كف ايديك
وان قولت لك عيب مش كده
ترفع إيديك ذي المره
ياللي انت غاوي منظره
(أحمد علي السبكي )
مصر
َ
ليست هناك تعليقات:
إرسال تعليق