كنا عايشين
بقلم سامي محفوظ حنا
كنا عايشين ببساطة
زي الأطفال كلنا براءة
وفكرنا كله طهارة
ولا كنا نسمع عن
الفهلوة والحداقة
ولا عمر الغش والكدب
كان شطارة
يا ميت خسارة
على زمن البراءة
والنهارده البساطه
بيسموها عباطه
وما ينفعش نتعامل
بها مع البشر
عاوزين لاعيب
بالبيضة والحجر
بالكدب والنفاق
تكسب البشر
تفكير غريب
عن كل البشر
مرض ساد
في زمانا وانتشر
فكر شياطين
وسطنا عايشين
واخدين صورةالبشر
فين الصدق
فين الأمانه
فين العبادة
والخوف من ربنا
يوم القيامة
عند الناس الغلابه
اللي عايشه ببساطة
بقلوب أطفال كلها براءة
ويقولوا
على البساطة عباطة
من النهاردة
هاعيش بسيط
ويقولوا عليا
غبي و عبيط
بس مش راح أكون
منافق وحويط
وأتعامل بصدق وأمانه
وأخاف من ربنا
وأعمل حساب
ليوم القيامة
مالها البراءة
وعشة البساطة
بلاها حداقة
بلاها شطارة
ياميت ندامة
وألف خسارة
على زمن البساطة
وضياع البراءة
بقلم سامي محفوظ حنا
ليست هناك تعليقات:
إرسال تعليق