دخلت أنا ع الفيس
وقعت في صبيه
خدودها زي الورد
وعيونها عسليه
ضحكتها ترد الروح
والبشره خمريه
ودخلت صفحتها
اعرف ايه دنيتها
واعرف منين هيا
واعرف كمان بيتها
قعدت انكش وأدور
وعرفت حتتها
قالو انت جيت ازاي
دا بيتنا متداري
هنا دا بيت عمي
واللي هناك خالي
وجدي هنا ف الوسط
واللي هناك داري
ان كنت جاي مشتاق
اهلا وسهلا بيك
وان كنت كده او كده
اراضينا غير اراضيك
احنا بيت الاصول
الدخله ليه م الباب
وان جيت من الشباك
يبقي زعل وعتاب
قلتلها قصدي سليم
وريني باب بيتكو
أنا برضه ابن اصول
وأنا جاي اناسبكو
جايين ليكو خطاب
ونخطب كمان الود
طلباتكو متجابه
ومستنيين الرد
والله انتو شباب
حلوين وزي الورد
وانشاله بيصير خير
وانشاله خير الرد
مهندس فايق الخليلي
16/9/2021
هذه صوره شعريه فقط عشان الشباب يشدوا حيلهم
ليس للصوره اي علاقه بالقصيده
ليست هناك تعليقات:
إرسال تعليق