#كلمات الشاعر شريف الطوخي
( في المنام )
عارف إني شفتك
متخفيه مع إنسيه
لابسه أسود في أسود
مع نضارة وطرحه رصاصي
مرت زي النسمه
عادت من غير ولا نظرة
والنضارة حاجبة عنيها
بس خدودها عرفتني
شدتني ليها ومشيت
مقدرش امشي واتحرك
ما بين آه ولأ
حيرني فكري واحساسي
وتعبني ظني واعياني
وتأملت وشوش ووشوش
مش نفس الدرجة والإحساس
واللوم كان عليا بإحساس
والنضارة عاكسة صورتي
مش ظاهرة ليا الإحساس
والسحب متجمعه بتغطي نورها الحساس
والبرد القارس يجرف الدفء كمان
المطر نزل من السحاب
زخات قليلة أسعدت الناس
فرحت بهطوله بعد ما فات
عارف إني شفتك
متخفية مع إنسيه
فجأة صحيت من المنام
ليست هناك تعليقات:
إرسال تعليق