قصيده بعنوان
(كتبت الشعر؟!!!)
فى ناس
ولناس وعلى
ناس ناس ليها
إحساس ناس
إتذوقت حرفه
وناس مابيحسوش
ناس قرأته
بمعنى وصهللا
دخل قلوبهم
هوا وناس
وناس على
حرفه تاهو
وما أندلوش
ناس فهمت
الواضح وعملت
بيه وناس ما خدتش
منه إل عنوانه
والفضله رتوش
ناس تطمع
تشوف تعليقهم
وناس تسخر
على الكاتب
الموجوع وما
يلتفتوش لا يأثر
فيهم كلامى
ولا حروفى
وكأنى بنقش
على الهوأ
أو خرابيش
ناس تبين لك
على الظاهر
أنه بيحبك
فيعجب بيك
وناس كرهه
الحقد
والغيره متلونه
بوشوش
كتبت الشعر
مع إنى
غير مقتنع بيه
واحد بيقولى
مش موزون
لا سجع ولا جرس
ولا موسيقى ولا
قافيه
أوزن إيه
الوزنه ميله
والكفه عوجه
والباطل علينا
إتعيش ومين
محتاج يتعدل
مدام أصل
الشعر مغشوش
كلامى ينقرأ
عادى خد
منه إل يرضيك
وتحبه والباقى
ماتخدوش
إرميه فى أقرب
بركه لل
آه بقصدها
وقاصد وسخها
كل الكلام
تحريف وله باطنه
والتقيل على
الرووس ناس
راكبا على أكتوفنا
ركبت بيوت
الشعر رفعهم
ومانزلوش
قناه تعمل
لقاء وندوه
مره وسباق
وأمير الشعراء
وله ياعينى
إشتياق
وعن كاتب الشعر
الفقير عنه
ماعرفوش
والناس حظوظ
يا خال رغم
الكلام إل طالع
من قلمهم
بالكتير ما هروش
لعب معاهم
الزهر وبنوا
قصور وعروش
تكتب لواحده
عاشقها توصف
وتعجن ليها
الكلام لاهو فيها
ولا يمتها بصله
ولا خدش شعورها
ولا وجهها
مخدوش
الشعر يا ناس
مش كلام تكتبه
فى كراس
الشعر له أعماق
بيطلع من
النفوخ والراس
بيجرى زي الدم
فى الشرايين
تحسه تذرف دموعك
ماهو مكتوب
من جواك ومن
قلبك بتحاول
تخفف عن إل
فيك غربه
وقهر وتعب
هالما جرا
ودواليك أبوك
إل كان معاك
إمبارح راح
كان دعوته
بترضيك
ووجع وهم
بالكفه وحاجات
أحيانا من
عذابك تهديك
تعرفوا النهارده
وفى سواد
أيامنا وذلها
لو عمرك ما
كتبت الشعر
قسما بربي
لتكتبه حتى
لو ما خطرش
على بالك
إتركنى ساكت
ربنا يخليك
الشعر حر
ليه نسجنه
وليه تصدمنى
بنقدك وردك
أكثرهم فى
العدد لا إتعلموا
ولا دخلوا مدارس
ولا ذاكروش
كتبت الشعر
لناس وناس
وفى ناس
وعلى ناس
بتحس وناس
مابيحسوش
15/12/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق