ليه نضيّع عمرنا...... ف هجر وخصام
ليه نزوّد جرحنا.......... ب دمع و آلام
والكلام مابنّا ليه...بقي شكوي وملام
ماتيجي ننسي الماضي مع كل اللي كان
نعيش حياة ويّا السعاده ونودع الأحزان
ونجدد الإحساس بشوق .....ويّا الحنان
دا الحب أجمل حاجه فيه.....هو الجنان
أنا لسه فاكر نظرة عيون.....ياما غرقت فيها
ولسه فاكر لمست إيدين..دوبت معاها وبيها
روح بتوهب الحنان.......وروحي راحت ليها
وقلب مليان بالدفي....وسنين أنا عشت بيها
دا أنا قلبي حبك..ولقلبك تملّي يصون
إزاي بحبك............وتتوهم إني بخون
إزاي نضيّع كل اللي بنّا...بشوية ظنون
بقي قلبي حبك... وبالآخر عليك يهون
تحياتي.... سيد عبد العظيم
ليست هناك تعليقات:
إرسال تعليق