لسه فاكر إني يوم هرجعّلك
تبقي أكيد غلطان
ياريت بقي تفوق من وهمك
المستخبي بسرعه بان
كنت زمان برجع إليك و أحنلك
وبحسّ وياك بالأمان
و أما الزمان يأسي عليا أطمنك
وتلاقي ويّايا الحنان
كنت ادوب لما إيدي تلمس إيديك
وأغرق بسرعه... في نظرة عينيك
والدنيا تضحك لما تتبسم شفايفك
كنت بتوهّم ساعتها.... إني عارفك
ليه كده فجأه إتغيرت ؟!
جرحت قلبي وهجرت !!
كنت زمان أحنّ ليك ألقاك قريب
فارقت ليه. وسيبت قلبي غريب
ليه سبتني في عز جرحي
و اخدت ويّاك.. كل فرحي
ما سيبتليش غير الجراح ويّا الألم
وقلب حاسس ...بالندم لما اتظلم
كنت بشتاقلك ساعات
و أحنّ تاني للذكريات
لكن خلاص الوقت فات
فاكرني هرجعلك تاني
طب بعد إيه؟!
راجع تقول من تاني إيه؟!
أهو قلبي مات
وأنت اللي ماسألتش عليه
مافضلش عندي غير السكات
وذكري حب... بندم عليه
راجع تدوّر تاني ليه ؟!
تحياتي...سيد عبد العظيم
ليست هناك تعليقات:
إرسال تعليق