مش لازم
مش لازم تقول ضحكتي
إن أنا فرحان
جايز بيها بداري
ألمي من الأحزان
مش لازم تقول هدمتي
إن أنا دفيان
ياما خيوط كِسوتي
البرد فيها جبان
مش لازم يكون جداري
ليَّ هو الأمان
جايز وراه بداري
الحيرة والخذلان
وساعات كتير كلامي
بحذف منه الأنين
ألاقي حروفي تسرق
دمعة للحنين
وياما كفوفي تغرق
في شوقها للسنين
وساعات أكون أنا
أوقات أكون كتير
في غربة مش هنا
عايش كأني طير
بقلمي :د/نجوى رسلان
#نجوايا
ليست هناك تعليقات:
إرسال تعليق