* ضل النااااس *
بقلم /عمااد الأبنودي
"" "" "" "" "" "" "" ""
يااا متغطي بضل الناس
راح تبات الليل عريان
ضلهم مالوش أساس
مهما شفت من إحسان
دا العشم فيهم مذله
و مايعملوش جبران خواطر
لو مدوا الأيدين مره
مايكملوش معاك للآخر
ناس شغلها هيه االمصالح
و إيه المكسب من وراك
و اللي فاكره وياك صالح
أول محطة راح ينساك
قصاد وشك ضحكة صفراء
و إنك ليهم أعزّ الحبايب
و هما بيدبروا ليك مؤامرة
و بيحفروا وراك المصايب
و أنت على نيااتك ماشي
بتعاملهم بنيه صافيه
و الضمير معاهم صااافي
مش واخدها أبداً عافيه
أتكالك على خلقك ...
و اللي عمره ما يخلي بيك
وقت الأزمة يكون سندك
و بين المتاعب يقويك
ضل الناس مجرد سراب
ابن وقته كدا و السلام
تطلع الشمس تلاقيه غاب
و يتمحي أثره مع الأيام
بقلم
عمااد اااالأبنودي
14 . 3 . 2022
ليست هناك تعليقات:
إرسال تعليق