قلبي تاه
مش لاقيه
ولا حاسس بيه
ولا إيه حصل له
ولا إيه اللي فيه
هو أنتي مين
وعملتي إيه
من يوم ماشوفتك
قلبي تاه..ومش لاقيه
هو أنتي يعني..طمعتي فيه
ولّا سرقتيه ؟!
طب ساكته ليه ؟!
ماتقولي إيه اللي عملتيه
مابقتش عارف أنام
وعندي ليكي كلام
لكني مش بشوفك
إنفضي عنك كسوفك
وتعالي نتقابل
نقعد ونتكلم
وأكيد هنتفاهم
ونوصل ل إتفاق
مع بعض هنكمل
أو يبقي بنّا فراق
ياتسيبي قلبي في حاله
ياتجيبي قلبك بداله.
تحياتي... سيد عبد العظيم
ليست هناك تعليقات:
إرسال تعليق