بمناسبة عيد الأم
كل عام وكل الأمهات بخير وسعاده
ربي يسعد قلب وحياة كل أم..
و رحم الله أمي وكل أم فارقت الحياة..
ماعرفش فات أد إيه من سنين عدّوا
أيام حزينه ومؤلمه..... إزاي هيتعدّوا
والعمر فيه كام سنه بيجروا ما يهدّوا
وقابلنا بالعمر. كتير من ناس وبيعدّوا
لكن اللي باقي بلقلبنا.. يادوب يتعدّوا
لكن إنتي يامّه......... عايشه تملّي بقلبي
يمكن فارقتي الحياة..لكن روحك جنبي
إنتي نور بيدفي قلبي ويطمني
كنت بتمني وجودك. جنب مني
والسعاده بالحياة.. مش بالتمني
القدر كاتب فراقنا....غصب عني
يعني خلاص.. هعيش حياتي بدونك
هتحرم من حضن قلبك ونور عيونك
كانت حياتي زي حلم.. بعيشه معاكي
غيبتي عني.... وغابت الأحلام وياكي
كنتي سعادتي وفرحتي
حضن دافي فيه جنتي
لسه فاكر بسمتك ليّا
ولمستك مليانه حنيّه
ودعوتك في الفجريه
لسه يامّه عايش بيها
مهما فات م العمر لسه بشتهيها..
تحياتي..سيد عبد العظيم
ليست هناك تعليقات:
إرسال تعليق