ليه الأنانيه . قلم/ السيد بدر
بينا قسمه ليك وليا
نص ليك التانى ليا
تاخد اللى ليا على إنه ليك
كده الأنانيه
السقف واحد خلينا واحد
ليه الأنانيه
.. ليه كل حاجه
فى إيدي هات
ليه وتستكتر عليا
الدنيا أيه غير خد وهات
مره ليك التانيه ليا
مادومنا واحد
والسقف واحد
ليه الأنانيه
طول مالصفا بينا
لبعضينا كتاب مفتوح
وهاتشوفني وأنا شوفك
بكل وضوح
لكن بسوء الظن
مافيش وفا بينا
دايما خلاف بينا
اغراب وعكس عكاس
بالأسم بس اخوات
لكن انانيه .. ...
ليست هناك تعليقات:
إرسال تعليق