يا بحر
.........
هموم الناس
فيك زادت
وكترت من موجك
وزودت من احزانك
يا بحر،،،،،،،،،
كنت زمان
محافظ على اسرارك
ولما كترت همومك
اختلط موجك
مع دموعك
يا ما يا بحر كلمناك
حافظ على البنت
الحلوة ألي جواك
ناغشتها وعكستها
وكلمتها لحد
ما حبتك ودابت فيك
يا بحر،،،،،،،،
يا صاحب الهموم
جواك كام موال
وشواطئك ناي
كنت نفسي
اغسل همومى فيك
وأسالك عن حبايبي
ألى حكوا حكياتهم
ووثقوا فيك
يا بحر
شاهد عليك سماك
وشمسك وخريفك
حتى الربيع
ان ملكش امان
وغدرك لما موجك يهيج
كام يا بحر ،،،
فى قاعك ياما
مخدوعين حبوك
عريت صبايا
وجرحت شباب
بسمتك دمع
وصمتك اوجاع
يا بحر،،،،،،،
بعدد رمالك
وكل حصاويك
والأرواح ألي عايشة فيك
عمري في يوم يابحر
ما اامن ليك
يا بحر،،،،،،
عمرك فى يوم
ما دويت جراح
كفياك يابحر نواح
................محمود خلاف
جمهورية مصر العربية
ليست هناك تعليقات:
إرسال تعليق