تحت طوعك .. قلم / السيد بدر
لفي بينا
دوري بينا
تحت طوعك
ملك أمرك
عن اهالينا ابعدينا
من حبايبنا احرمينا
دوقنا ياما وباقي لينا
كل حلق بيشكي مرك
لفي بينا
دوري بينا
تحت طوعك
ملك أمرك
رغم غدرك
على بعض جينا
فكرنا م الدنيا اشترينا وهمانا إن لينا فيها
فى عز الحوجه وتسيبنا
تدور وتلف بينا
نتعافا وراها نتكفى
دايره وبنلف فيها
تحت طوعها وامرها
فيكي مافيش راحه
رايحه مافيش جايه
شوفنا بعنينا العجب
فيكي الحبال دايبه
لاعليكى بتخلي
عنا وتتخلي
إحنا اللي راح نمشي
ونتي اللي تستني
تلفي بينا
تدوري بينا
تحت طوعك
ملك أمرك
ليست هناك تعليقات:
إرسال تعليق