عبدالفتاح عبد الرحمن والي
(ياما نشوف)
ملعون أبو اللقمه إللي
متغمسه بالإهانه
وتنحرق الهدمه
إللي تقلعنا الكرامه
وتنحبس الدمعه جوانا
علشان العيون مش نعسانه دي غلبانه
ملعون أبو الضحكه إللي طالعه بمراره
إللي ولعت في قلوبنا ألف نار ونار
ملعون أبو اليوم إللي قلب الجد هزار
ولا كلمة الحق لما تتقال ونحس بعدها بالعار
ملعون أبو النفس لما تنداس
والقرار بقلبي يندفن قبل طلوع النهار
والحيره بقت لينا طار ودوا
الحيره صارت ميت باب مقفول جوه دار
ملعون أبو الصاحب الجبان
إللي وقت العوزه عامل عيان
ولا تلاقيه جنبك واقف في الميدان
ويقابلك يقول غصب عني ميت ندمان
الدنيا معاكسه معايا يا صاحبي
وفي بيتي قلبان
صاحبي
صاحبك إيه يا أخويا ما راح زمن الصحاب من زمان
ملعون أبو الجار أبو الأذيه
الجيره لها حق
يقولك لقمه هنيه
تبقي تعبان
يقولك شويه
ملعون أبو الكلمه إللي ما لها عازه
تموت وأصلها يمشي في جنازه
تاعبه صاحبها واقفه في زوره
يموت ويطلعها خسه ونداله
ملعون أبو اللقمة إللي متغمسه بالإهانه
وتنحرق الهدمه إللي تقلعنا الكرامه
ليست هناك تعليقات:
إرسال تعليق