عتاب
٠٠٠٠٠
للناس الوضيعه
للناس الرديئه
انا قوت يومه ب يومه
وحظه نعسان من يومه
وحلم عمره كل همومه
بس عزة النفس
والبعد عن اليأس
وجبر الخواطر
يا فاكر وناكر
وخدهم من ابوه ورث
ورضعهم من يومه
حتى لوكان ع الدنيا هان
وقوت يومه ب يومه
عيونه ف الحق جريئه
اه للناس الوضيعه
ولوكان بختي
لابس توب الخذلان
ولو كان حظي
ملعون وجبان
ليه علي حق عمري تلوموا
وتعكروا بحر فكري وتخونوا
بحروف الانانيه البليده
انا ابن البساطه والطيبه
وأرض التواضع والحقيقه
للناس الوضيعه
لآخر نبض ف عمري
هافضل اجري اه واجري
وانحت بنبضي صخري
ولو شاء ربي
اشوف حلمي يكتب اسمي
على النجوم والقمر واوارق الشجر
ولو شاء ربي
قبل النهايه اشوف ملامح رسمي
منحوتة على جدار التاريخ الوردي
وتموت كل الدقات الحزينه
للناس الوضيعه
بقلم على عبدالرحيم محمد
ليست هناك تعليقات:
إرسال تعليق