من الحياه
آه....
زمان الصبا راح
وببكى على حالى
احط أيدى على خدى
وغنى مولاى
وقول ....
ياليل ياعين
ايه اللى جرى لى
كان فيه حبيب وراح
ابكيه مسا وصباح
والقلب صار خالى
اخد دمعتى
وكتب بها حالى
حتى الحروف صاحت
وقالت....ونا مالى
قلت لها..
حتى انتى
مش عاجبك حالى
طب اروح لمين
اشكى له حالى
ده الليل بيعدى عليه
وبيصعب عليه حالى
ونا من كتر احزانى
صاحبتها..
يمكن فى يوم تنسانى
آه...آه.
لو رجع بيا الزمان
وروح نفس المكان
وشوف الحبايب والخلان
نفس أفقد الذاكره
وعيش ايام زمان
بقلب خالى
اضحك من قلبى
بدل ماضحك من غلبى
ياعينى عليك ياقلبي
دنا بدارى احزانى بضحكتى
وشايل فى قلبى بلوتى
مفيش غير قلمى وسطورى
هما دول سلوتى
اشكى لهم وكتب وقول
زمان الصبا راح
وبتندم على حالى
احط أيدى على خدى
وغنى مواااالى
نبيل المصرى
ليست هناك تعليقات:
إرسال تعليق