_**(جنــــون..!)**
_ هاسافر في عنيكي السود.
_ واعديلك بلاد وحدود.
_ واكون ليكي وانا الموعود.
_ بسهم عيونك اللولي.
_ واعديلك بحور وبحور.
_ واخطي ألف سور ورا سور.
_ واشيلك جوا ف عيوني.
_ واكون فارس بقلب جسور.
_ ولا تهوني.
_ وهامشيلك سنين وشهور.
_ واشيل همك بكتف صبور.
_ واحلق ف الفضا وأدور.
_ واجيلك فين ما بتكوني.
_ واحارب في هواكي الويل.
_ واضاهي بيكي نجم الليل.
_ وأشوف فيكي ألف دليل.
_ على جنوني.
ليست هناك تعليقات:
إرسال تعليق