الغربة
======
الغربة مش كلمة والسلام
دي عذاب سنين
الغربة هم تقيل وعويل
الغربة جواك دايما حزين
ولو كنت عايش أمير
او عالم او حكيم
الغربه دايما وحيد
مافيش عزوة مافيش حنان
والحنين كل يوم يزيد
الغربة آآآه.......واااهات.....وبعد عن الأحباب
وغربة داخل...........الذات
الغربة دموع وقهر وقلب موجوع
الغربة حلم براق كالسراب
يضيع في هبة ريح
الغربة حلم كبير.......وتمنه كتير
الغربه أماني وشوق ولهفة
وحنين وحضن خاوي حزين
الغربة مرض نعيشه
ونضحك ونقول راضيين
الغربة امل في لقاء.....حبيب
واااه ياليل الغربة
يا موال حزين.....مالوش، آخر
والشكوى فيك ياما والتنهيد
امتي يطلع صباحك بنهار مريح
يمسح دموع الجفا....ويبسط التجاعيد
العمر راح سنة ورا سنة
وإحنا في غيبوبة التفكير
والحمد لله على حكم القدر
وما لنا غير ربنا وله نمد الايد
بقلمي،،استاذ دكتور/ مكرم ابوالمعاطي
ليست هناك تعليقات:
إرسال تعليق