بمناسبة شهر رمضان المبارك
(شهر مبارك)
كلمات سعيد الشبراوي
هل علينا شهر ...مبارك
ربى يزيد فيه... ويبارك
الراء راء الود والرحمة
والميم مغفرة بعد الرحمة
والضاد ضمان من عذاب النار
والألف امان من غضب الجبار
والنون خلاص نجيناك
من نارنا ........... وكفيناك
ياعبدى دا شهرك إنتَ
إجتهد فيه وتمنى على إنتَ
منيت به عليك لجل إِتوب
وأرفع درجتك وامحى الذنوب
إوعى تكسل وعلى الهِمة
وصوم صيام........ يكون بذمة
ولا تخلى عينك خاينة
تمدها وتبص ع الرايحة والجاية
تفطر من غير ما تحس
أصل الصوم مش عطش جوع وبس
ولسانك دا إقفل عليه
و لا تطلقه.............. ولاتسأل فيه
دا هو ........الأذى بعينه
إوعى تسمح له ..........وتراضيه
وودانك عن الأذى إبعدها
ولمها عن الحرام.......... وحيدها
وإوعى رجلك تشدك لحرام
أومال إيه .........فايدة الصيام
وأول ما يأدن........... إفطر
دى سنة نبيك............ لما بيفطر
وأخر سحورك..... براحتك
وكل وإشرب .......وخد راحتك
وفى الجامع فيه تراويح
رياضة للبدن .....وفيها ترويح
وقرآنك.............. لابدمنه
فى ليل ونهار............. كتر منه
ربى يقبل...... منى ومنكم
ويعطيكم العافية والشر يبعد عنكم
ليست هناك تعليقات:
إرسال تعليق