مكتوب عليا
عشقك
والأمر مش بأيدي
ولو كان بإيدي
أمرك
كنت. بعمري
اشتريك
واغزلك من رموشي
توب
بلون أخضر أغطيك
واخدك في حضني
شوق
من كل حاسد أرقيك
ولو عليا جوا عينيا
أخبيك
وأقيدلك من صوابعي
شمع
أنور بيها لياليك
فيكِ أبويا إتولد
ومن قبله جدي
إتوجد
وأنا. مثوايا تراب
أراضيكِ
عايش في ضلك
ونبتي من خيرك
في قلبي حبك
للأبد
وحبي لغيرك
ما إتوجد
ولو جابوا لي ألف
بلد
غيرك يامصر
ما يرضيني
د. عصام ابوالدهب
ليست هناك تعليقات:
إرسال تعليق