( قرار مناسب )
-------------------
طلعت ممكن يا فراق
وأنا كنت فاكرك مستحيل
طلعت سهل الإشتياق
مش صعب ولا ليلك طويل
عادي بتعدي الليالي
والنجوم لسه بتلالي
والقمر حالو من حالي
بدر مش محتاج دليل
حتى الشجر بدل ورق
وقطر الحياه سابق في سيره
لا فراق وجع ولا فرق
وإللي رحل راح ييجي غيره
أحلامي واصله للسحاب
ونبض قلبي فيه شباب
ترياقي من سمك غياب
وكل طير وليف لطيره
طلعت سهل يا بعاد
مش حسبه ولا نسبه وتناسب
طلع مالوش لازمه العناد
وإللي إختار طريق يحاسب
عمر الفراق مايجيب ورا
وشمس النهار منوره
أكيد دى قسمه مقدره
وأكيد ده كان قرار مناسب
محمد سيوفى
ليست هناك تعليقات:
إرسال تعليق