سافر يا بحر
*********
سافر يا بحر لعيون حبيبي
تلاقية زيي مستني السلام
بلغه إن الشوق لهيبي
قاسي الفراق غرام وهيام
وإن الذكرى سبب تعذيبي
منها عيوني ماداقت منام
جتلك يا بحر تغسل همومي
وتشيل عني عذاب أوهام
لقيتك يابحر غرقان
في همومك
وأنا عاشق مش عوام
إمتا يابحر يداوي طبيبي
جرح بقاله سنين وايام
بلحظة لقا يفرح نصيبي
وتعيش شطآنك الأبتسام
بلغ يا بحر حبيبي إني
لو غاب العمر آديني مستني
كُلي أمل كلي تمني
إني أعيش تاني الغرام
سافر يا بحر لعيون حبيبي
تلاقية زيي مستني السلام
الشاعر السيد حسن...
ليست هناك تعليقات:
إرسال تعليق