( شموخ وكرامة )
----------------------
كلب إتأمر من سيده
يجري يصيدله غزال
في لحظه فك تأييده
وبسرعه إنطلق في الحال
والصيد لأنه سبق
ولأنه عال العال
تعب الكلب وشهق
من شدة الأهوال
نظر الغزال بشموخ
وقال حكمه وهي مثال
إلزم يا كلب مكانك
وماتزيدش في الأحمال
عمرك ماهتحصلني
ولو جيت ورايا جبال
إنت بتجري عشان سيدك
وعشان عضمه في وسط رمال
وأنا بجري عشان روحي
وعشان حرية الأجيال
محمد سيوفى
ليست هناك تعليقات:
إرسال تعليق