جالك يوم
ورجعت تقول... إنك ندمان
نسيت النوم
وعرفت خلاص إنك غلطان
بقي راجع تاني
وعايز ترجع.... زي زمان
ونعيد سوا كل اللي كان
لكن خلاص....لأني بقيت
حد تاني.......أنا ماعرفوش
إنت العمر اللي ماعشتوش
والحلم... اللي ماحققتوش
كان زمان.....ممكن نكون أحباب
دلوقتي خلاص...خلينا أصحاب
الذنب كان ذنبك
أبداً ماهوش ذنبي
قلبي أنا حبك
لكن إنت......... ماحبتوش
راجع.... تسأل عليه
بعد اللي عملته فيه
ياخساره.........ماحستوش
إخلاصي.......... وحبي ليك
بقي ماضي... و دين عليك
وإنت اللي.... ماصونتوش
لكن....... أنا مسامحاك
بعد اللي شوفته معاك
في إيه راح أبكي عليه
وليه هنعيده ليه
قلبي.. قفلت بابه
بلاش تأسي عليه
سيبه بقي لعذابه
راجع تترجي فيه
كفايه منك عذاب
خلاص أنا قلبي داب
خلينا يادوب صحاب.
تحياتي... سيد عبد العظيم
ليست هناك تعليقات:
إرسال تعليق