حكاوي
وتوته توته توته
وخلصت الحدوته
ورجعتي زى زمان
العالي فيكي حرامى
وحرامي ويا حرامى
بيسرقوا الغلبان
والباشا فيكي باشا
وباشا ويا باشا
بينضربله سلام
وتوته بعد توته
ما تيخلي من حدوته
حدوته أه وحكاوى
كتير كتير تتقال
طلع الشهيد حرامي
وكمان هو إللى خان
وكمان هو إللى باعك
وكمان هو الشيطان
المسرح فيكي واسع
ومتقسمه الأدوار
دا دور ساحر ومعرض
ودا دور شيخ السلطان
وإحنا غلابه بنصدق
كتير كتير أمثال
كل ما تيجي تقومي
كتير كتير يقولك
سمعنا فى الأمثال
إوعي تسيبي قديمك
وإللى يسيبه يتهان
عمر حكاويكي أطول من عمرك
يبقى محال يتغير حال
نفس الفكره فى كل أيامك
ظلم وسجن لكل أحبابك
عدل مافيش دم رخيص
باشا وبيه وولاد إيه وإحنا عبيد
نفسي الحاوى يموت فى الحال
وإنت كمان موتي معاه
يمكن ألاقي فى الدنيا مكان
أقدر أعيش فيه إنسان
شعر
على أبو السعود
ليست هناك تعليقات:
إرسال تعليق