........... سمسار قلوب ..............
مفيش حد يعرف سمسار قلوب
يشوفلى قلب غرفتين وصاله
يكون طاهر من الخبث والذنوب
وعندة ضمير ومايكونش عاله
والسمسره حسب العقد مكتوب
وإللى أوله شرط له مليون دلاله
ويكون التمن ف حدود المطلوب ..
ويكون التقسيط ع قد الحاله ..
ولو ايجار مده بارضووا مرغوب ..
وتكون مهويه ومنافيه للجهاله ..
ويكون القلب على قدى مرغوب ..
وغير كده صعب وإستحاله
ولا يكون عنده سوابق وعيوب
ولا مسجل خطر ومبلغ هرووب
وينهب مشاعرى ويرمينى فى الزباله
مفيش حد يعرف سمسار قلوب
شغال فى المهنه وراثه وأصاله
ويشووفلى كمان إنسان حبيب
يقدر المشاعر ومبقاش له أله
قلبى تعب لما لقا الحب مقلوب
وإتهمنى إنه عايش معايا مغلوب
خد بعضه ومشى فى الغرووب
زعلان من عمايلى وبعتلى إستقالة
...........................................
............. حسن الشوان 🇪🇬 ......
ليست هناك تعليقات:
إرسال تعليق