رغم البُعد
أنا حاسس بيكي
طيفك دايماً شاغل بالي
وعينيا بتغرق ف عنيكي
دايماً شاغله البال وياكي
و تملّي ....حاسس بوجودك
رغم عنادك........ ويّا صدودك
شايفك وكأن.... إنتي قصادي
و تعبتيني.......... بكُتر سهادي
ودمعه نازله...... فوق خدودك
بتروي بيها .....عطش ورودك
و نبض قلبي....... في وريدك
وإيدي .......لسه بحضن إيدك
حاسه بشوقك.......مع تنهيدك
أنا شمعه... بتنور ليلك
لجّل ما تمحي عتمته
وروحي دايماً هي دليلك
دفيٰ لقلبك في وحدته
قوليلي بس...أعملك إيه ؟!
الحب دا ماقدرش عليه
عوّدتي قلبي.. يكون تملّي بحضن قلبك
كتير بتأسي وتسبيه...........مع إنه حبّك
بتعذبيه وبتبعدي
ويعمل إيه ف بُعادك
قوليلي بس...اعملك إيه ؟!
خلاص تعبت من عنادك
ليه غاويه مني تهربي ؟!
قويني بيكي وقرّبي
قلبي اللي حبك بيناديكي
نفسه يعيش مابين ايديكي
تحياتي...سيد عبد العظيم
ليست هناك تعليقات:
إرسال تعليق