خلص الكلام
بقلم سامي محفوظ حنا
خلص الكلام
ما سمعتش ردك
سامع جواكي
صرخة قلبك
الكلام مسجون
بين شفايفك
ليه تهربي وتستخبي
خلف صمتك
ليه تظهري
بصورة غير صورتك
صورة ما فيهاش روح
ما فيهاش حاجه منك
غير أنها
بتعبر عن صمتك
بتبقي قدامي
مش شايفك
من غير ما تتكلمي
إزاي أحدد ملامحك
وأرسم صورة
تعبر عني وعنك
صورة حية
بنبض قلبي وقلبك
صورة تتجسد فيها
مشاعري ومشاعرك
إتكلمي واظهري
أجمل ملامحك
أصرخي وعبري
عن مشاعرك
إتحدي خوفك
ودافعي عن حبك
الزمن بيجري
والعمر يضيع منك
وتلاقي نفسك
سجينة صمتك
من غير قلب
من غير روح
مجهولة ملامحك
خلص الكلام
ما سمعتش ردك
بقلم سامي محفوظ حنا
ليست هناك تعليقات:
إرسال تعليق