.. انتي عتمه . أرض بور ..
.............................قلم السيد بدر
انتي نار .. مش ضى نور
أنتي أرض خسيسه بور
انتي كلك بختصار
حيه لابده ف الجحور
لا ف الحسبان ولا الخاطر
ما بينا حد ومبني سور
مجرد خانه مش اكتر
لا انا العاشق ولا المبهور
....... انتي عتمه وأرض بور
اختاروكي تكوني ليا
بس انا مخترتكيش
قالو جايز قالو يمكن
سلمت أمري قولت أعيش
لاتغيرتي ولسه مافيكي
اللي اتغير ايه غير لونك
نفس اللدغه ونفس اللدعه
ماسلمتش من بخ سمومك
لاجمايل بتشيليها
العشره مابتصونيها
ديما ناكره وديما ناسيه
بعد العمله تخشي جحورك
...... انتي عتمه وأرض بور
صبري عليكي مش ليكي
سكوتي وصمتي علشان هم
وطولة بالي مش ليكي
ولو بضعف علشان هم
بعيش ليهم ومش بيكي
ويحلا السم علشان هم
ولو مني نفز صبري
هاهد ودك انا جحورك
ونار راح اصب فى شقوقك
أرضك بور وشوك طرحك
ولا ف أرضك يجود زرعك
انتي عتمه وأرض بور
انتي نار مش ضى نور
انتي حيه وبختصار
مالكيش أمان
حتى وانتي فى الجحور
عتمة كنتي وارض بور..
ليست هناك تعليقات:
إرسال تعليق