......... عين الحسود ........
عمر الندم ما ح يفيد
ولا اللى راح كمان يرجع
وعلى الأغصان وروود
فى بستان مش مستنقع
ليه تعيش معايا عنيد
وكل مره أقولك وأعيد
وإنت مش عايز تسمع
الصبر جوايا له حدوود
وإنت بتقسى عليا وتوجع
خلاص فاض بيا السكوت
وقلبى مش قادر يتوجع
قربت أخد قرارى الأكيد
ولو اخدته عمرى ما ح رجع
ومش ح يهمنى أى جديد
ولا ح خاف من أى تهديد
انا حذرتك وإنت عليا بتزيد
وقبل ما ادفع التمن ح تدفع
وتبعتلى مراسيل بالوعيد
ومش عايز تعرف المفيد
والدموع جرحت الخدود
وبارضوا مش عايز تسمع
أرجوك أسمعنى انا بترجاك
وإفتكر ايامى الحلوه معاك
ح تلقا قسوة عين الحسود
هى اللى بتزرع بنا الفراق
وهى اللى زرعت الأشواك
ونفسها تشمت فينا ونقع
.....................................
......... حسن الشوان 🇪🇬 ....
ليست هناك تعليقات:
إرسال تعليق