کیف تکون شاعر
أرد أوصّی و إنتم إشهود القضیّة
یا غرام إبعدنی منّک داوی نار
یا نسیم الشوق لتعطّر علیّه
ذایب إبگلبی او حرق روحی الحوار
شیّبت و الشیب تابعنی بلیّه
شعر راسی إشما أصبغه
یرجع إسراجات و إینور الدّیار
تدری مو بطران
أحس وکتی نهانی
و الگبر محفور أحس دون إختیار
یا هله بل ضیف لو مجبل علینه
مای حالی إنشربه نملی إچفوف إدینه
او ینعجد طروانه بچفوف المحنّة
و الیحبنه و الیمر طرواه یجینه
إبنظم شعره او یبنی إبداری المزار
آه یا دنیای عسره او ما رهمتی
إویای تمشین إبخلاف
أنا أجر صوب إمنیاتی
او حسن ذاتی
او ذکریاتی
او هجرک إیدمر المطاف
صافی قلبی مثل وجهی ماء بارد
ما یخل بأهل الضعینة
وأللّه فی الغیبة إبتلینا
إتنفّد أحکام إبقرار
إیضیق صدری
و أمر بدیار إلأحبّه
او روحی تلعب
إتنوح تتقرّب علیهم
مثل طوبة إبوسط ملعب
و الضربنی نجم ینعد
و أقراء أشعار او قصاید
بیهم أشتاق و أعاید
و أکتب أنغام إبعسر قلبی و أبثهه
إشما أطفّی نار قلبی
یصبح النوبة علیّه الضیم زاید
أمر و أنقد
أقرب ، أبعد
و أنشر أطوار المحبّة
إبصفحة و أشرد
و الهدف واضح علیکم
أشعل النیران بمتون الغرائم
لجل یدوی إبنار و إیولّد قصاید
او بل بدایة کلنه عدنه الطور باید
یا حبیبی
یا صدیقی
لا تغثّک نار گلبی
تدوی بعیونک و أزفهه کل عروسة
هذ الک نوع إختبار
إکتب
إرسم
إخلق إبطورک مجد
إقراء
صلّح
طبخة
ملّح
بیه و إسعد
لا تهم بإلإنتقاد
بوس إدیه العلّماک ابعلم جاد
او لا تهاب الإرتداد
إتدنه یمّی إسمع کلامی
فک جریدة قلبک و إرسم أغانی
إبطور أبوذیّة
إبموال
الدارمی یسبی ابسجال
و القصیدة الحرّة مفتوحة الموانی
سافر إبطور الخیال
إکتب إنشاء ضیم گلبک لا یضرّک
خلّی من ألامک و إکسب دلال
إغسل الروح إبحروف الأبجدیّة
او خلّی ذهنک یسکن إبعالی المقام
اللیل إلک أحلی العطور إبمزهریة
و إنتخب موضوع یرمیک إبسهام
إتموت بکری لا تنام
ثمّن إبنظمک او نظمک ولد بطنک
لا تبیعه إبکل سعر بالسوق تخسر
هذا خلفک
هذا ولفک
بعدک إینفّذ قرار
إهوای الک بإلإنتظار
خلنی طفّایة تحت سیجارة و أضحک
النار تحرقنی إبلهاتی
و أنا أصیح أللّه و أکبر
جنّة إلیه
أللّه یرحم والدیه کلمن سبانی
او شتّمانی
او صغّرانی
او عذّبانی
سبب نظمی
و نشط عظمی
أجد من عدهم هدیة
إلنهته إتولّد شعار
لو ترید اتصیر شاعر کون تنبز
کون تهتز
ینفجر برکان فیک ابلحظه تبرز
إتولّد أنغام العبرتک
بل قصاید
بل جراید
او هذا محسوب إنتصار
الک یل حامی الدیار
و أنا أقدم الإعتذار
او کلّه منکم یل زهدتونی إبمحنتی
قلبی منکم داوی نار
د.جاسم محمد الحسّانی 10/04/1402
12/01/1445 / 01/07/2023
ليست هناك تعليقات:
إرسال تعليق