الحمل تقيل عليا
***********
الحمل تقيل عليا اكمنك مش معايا
الهم لما ينقسم بتهون الحكايه
قلب يحزن ايد تطبطب
عين بتدمع وايد بتمسح الدمعايا
الحمل تقيل عليا اكمنك مش معايا
نتعكز على بعضنا لأجل نخطي الصعاب
نشبط في ديل حلمنا لو كان حتى سراب
كفايا حبيبي اننا الدنيا تشهد لنا
عشنا مع بعضنا احباب مش أغراب
معرفناش لليأس بدايه
قلب يحزن ايد تطبطب
عين بتدمع وايد بتمسح الدمعايا
الحمل تقيل عليا اكمنك مش معايا
الصعب فعلاً انك متكونش ساعة جنبي
والأصعب فعلاً منك تفوتني وحدي في دربي
اسهر ليلي بَعدك أشتهي لحظة قربك
ويدوبني بُعدك وأحس الذنب ذنبي
إزاي متكونش معايا
قلب يحزن ايد تطبطب
عين بتدمع وايد بتمسح الدمعايا
الحمل تقيل عليا اكمنك مش معايا
أنا اتعودت عليك وعلى نظرة عيونك
مشتاق حبيبي إليك مقدرش اعيش بدونك
ارجع حبيبي بناديك انا روحي وعقلي فيك
كل احلامي اراضيك وجوه عيوني هاصونك
بس تكمل معايا
قلب يحزن ايد تطبطب
عين بتدمع وايد بتمسح الدمعايا
الحمل تقيل عليا اكمنك مش معايا
الشاعر السيد حسن....
ليست هناك تعليقات:
إرسال تعليق