بمناسبة زفاف كريمتي الحبيبة
خزامى وليد الأصفر
على الشاب أحمد خوندة
14/9/2021
أهديها هذه الأبيات بعنوان
خزامى يا أحلى وردة
.............................................
إسم الله وبسم الله
من العين إنتي محروسة
دوبتي قلوب العشاق
وفيكي العالم مهووسو
يانجمة وست الستات
ومتل الشمس الشموسة
ربيتك بدموع العين
وهلأ شفتك عروسة
....................
ع الصالة من لما جيتي
متل زهرات البستان
ومتل الماسة عم بتضوي
يحميكي الرب الرحمن
عيونك حلوة وأحلى بسمة
وع شفافك حب الرمان
سبحان لكون هالرسمة
صورة وأبدعها فنان
...................
خزامى يا أحلى وردة
ع الغصن بشهر تشرين
علم وأدب وكلك حشمة
وبالرقة مين متلك مين
فستان الأبيض لابقلك
والطرحة وعقد اليسمين
والناس جاية تا تباركلك
عرسك يا ست الحلوين
.....................
رح نعملك أحلى زفة
نمشيكي فوق الأزهار
ونغني أحلى الأغاني
ونرقص على نغم الأوتار
ورح منضوي أحلى شموع
والورد داير مندار
وتحلى الدبكة بالسهرية
وكل الأحبة زوار
......................................
ملك محمود الأصفر
 |
ألف مبارك لأحلى عروسين
بالرفاء والبنين
ليست هناك تعليقات:
إرسال تعليق