انا عارف إنك
مستحيل تحبي غيري
أو تكوني لحد تاني
أصل أنا ف حبك أناني
و دا مش غرور
لكن شعور
لأن قلبك لسه معايا
ولأي مكان بروح
عينك بتسبق خُطايا
بتغرقني ب رسايل
وشوق عمال يحايل
وياخدني دايماً ليكي
م أنا قلبي مشتريكي
تيجي نعمل إتفاق
نبصم عليه سوا
بالحب والإشتياق
يجمّعنا الهوا
ننسي كل اللي فات
ونبدأ من جديد
الإيد تكون ف الإيد
بإرادة من حديد
ونخلي البسمه دايماً
مرسومه ع الشفايف
وعيون قلبي اللي شايف
الشوق اللي ماليكي
وأنا ليّا حقوق عليكي
قلبي اللي بين إيديكي
حافظي دايماً عليه
ولا مره تزعليه
ونقرب حبه حبه
بالشوق وبالمحبه
ونعوّض اللي فات
تيجي نعمل إتفاق
مانبطلش إشتياق
ننسي كمان الفراق
نفضل علي طول سوا
أنا وأنتي والهوا...
تحياتي...سيد عبد العظيم
ليست هناك تعليقات:
إرسال تعليق