،،،،،،،حنان الأم،،،،،،،،
بقلم الشاعر خالد كرومل ثابت
كل كتاباتي كانت ليها
شاعره بي وشاعر بيها
الناس إيه غير احساس
جسد وقلب وحس فيها
فرح الدنيا وانا جنبيها
جنب حبيبتي واسمع ليها
شايفه عيني واحكي معاها
حتى اسراري قدام عنيها
ولما تتكلم ابص عليها
كلامها عسل والحب ماليها
وفيها إيه لما تغازلني
أغزل حروفي ضفاير واديها
اسافر واغيب وشوقي ليها
احن وارجع أبوس ايديها
هي حبيبتي روحي أمي
أول حب عرفته فيها
عمري وقلبي وهبته ليها
هي الدنيا جابت زييها
سكنت قلبي وجوه عيني
تنزل دموعي تمسحها ايديها
دفى وحنان وحضن عليها
يساوي احضان الدنيا بما فيها
ولما اتعب شوفوا عنيها
تنزل دموعها حتى رجليها
انام الليل مليان وجع
وامي سهرانه تدعي باريها
أصلها أم والحنان ماليها
وقلبها حنون الله يحميها
مهما خدمت وشلت ترابها
أعيش خدام ومديون ليها
لو تعبت مني افديها
وادفع عمري ودمي عليها
أنا من غيرها ولا حاجه
كل شيئ يفكرني بيها
وكل الجيران عارفه حكاويها
كلامها جميل والفرح ف عينيها
قلبي بكى لما تعبت
وحيطان البيت بكت عليها
بالله عليكم تدعوا ليها
إن كانت عايشه الله يخليها
وإن كانت تحت التراب
الله يسامحها ويغفر ليها
الشاعر خالد كرومل ثابت
ليست هناك تعليقات:
إرسال تعليق