علميني يا امه ...
قولت لها : يا امه علميني
اِزاي أعيش وسط
الديابه
قوي قلبي و ما تخافيش
قلبي طَق .... من
الطيابه
يا امه زرعي كان محبه
طَرّحِتُه ..... كت
للغلابه
دُنيتي صِدق و صَداقه
فيها أنا .... مغرم
صبابه
يا امه ... ليه حظي مرار
طعم عَلقم وانكسار
طِيبه خلِّتني ف حصار
زرعت جوايا دمار
قوي قلبي ..... جَمدِيه
ربي عالم .... باللي بيه
فكي أسري ... وحرريه
اغزلي ف قلبي الجحود
خلي فِعلي يكون جُمود
ياما قدمت ..... الورود
خالفوا .... وَيايا العهود
قالت لي ياابني :
اِوعَاك في مَرَّة تِتسِند
على عايز يتسِند
رَامي حِملُه على غيره
وِ عَ اللي جَنبه
بِيعتمد
دا الحبيب بيكون سَنَد
و من اللإله اطلُب مَدَد
تلقى الشهامه كُلهاااا
ويا الأصيل ابن البلد
مُرّ الحياة لو عيشتها
وإن حتى قلبك حبها
اوعاك ف يوم تركع لها
عيش الكرامه . وعزها
خليك أسد وِسط الضِّباع
و انج بنفسك م الضَّياع
و لا تشتري كل إللي باع
واوعاك تبيع إللي اِشتراك
قولت لها يا امه :
علميني إزاي يكون
النجاح
ازاي يكون الكفاح
بالعزيمه والأمل
علميني إزاي أحول
الهزيمه لانتصار
أبعد عن قلبي الهموم
وانشر السلام في
كل دار
أمحي م القاموس
معنى كلمة
انكسار
قالت : يابني
صَفي جُواك النَّوايا
أياك تخوض المَنايا
نَقي طبعك م الدّنايا
طُهر قلبك من حَشايا
أي عَسرة مش نهايه
لما تغلط مش حكايه
ممكن .. تكون البدايه
صحح الأخطاء وعدل
اوعى تِقسى ع الضعيف
وف تعاملك كون لطيف
وف وعودك كون شريف
املا بالحسنات كتابك
لو غفلت يكون عذابك
بقلم-أشرف رسلان
ليست هناك تعليقات:
إرسال تعليق