......... إعملى معروف ......
من زمان واقف علي بابك
وماتعبتش انا من الوقوف
راحة نفسي في رحابك
وطول عمري انا ملهوف
اتنعم في سجاد محرابك
واتمرمغ كمان في ترابك
وينزاح من جوايا الخوف
من زمان واقف علي بابك
ودمي في عروقك بيطوف
مستنيكي تفتحي ابوابك
حتلاقيني في أول الصفوف
مستني فيضان سحابك
واشرب من رحيق شرابك
وفيض انهارك يملا الكفوف
واطير مع اسراب حمامك
وأرتوى من بستان غرامك
وأتمنى ما تجريش أيامك
وما تسبنيش إعملي معروف
.....................................
......... حسن الشوان .........
ليست هناك تعليقات:
إرسال تعليق