شماشرجي وسع طريق
في كل مكان وحته
على طول عامل ضجيج
ف المبنى وطول الطرقة
تشوفة تقول مخبول
ف ثانية يشيل الشنطة
سعيد جواها مسرور
أكيد لينول البَركه
شماشرجي وظيفته يقول
وسع طريق وسكة
لأبو وش كله نور
اللي فاتح بيوتنا
كدب وكلام تهجيص
مش شايف فيه المُتعة
لتمشي ف الطرقة طاووس
ووراك هيصة وزفة
وانا كُنت واد تلميذ
أبلتي قالت حكمة
اوعة تعيش مغرور
وتنسى القيامة والمولى
كُلنا ياحبيبي ياشُطار
عايشين ف الدنيا لفترة
ونرجع تاني تراب
وزير خفير مش فارقة
في زمن قول ونول
أسرق وعيش ف الزحمة
وأضحك على الدقون
بكلمة خيبة وواسعة
أصل الكتير موهوم
إنه بطل وفتوى
بعدها أطلب تنول
وأضرب سمين وأتهنا
شماشرجي فاهم العقول
في زمن سوق الجُملة
يا مثبت العقول ألحقني
انا عقلي ف ورطه
شماشرجي وسع طريق
بقلمي / جمال حلمي ابراهيم عامر
...........................................................
ليست هناك تعليقات:
إرسال تعليق