أبوذیّات نجمة و قمر
یون گلبی إعلی ذوقک دوم ونحب
إو مثل طفل إلیتیم إبضیج و نحب
إذا تقبل نعید إلعمر ونحب
مثل نجمه إو قمر نزهی إلثنیّه
***
أودّک و أبصم إبدمّی شرفلک
إلیضدّک نکبته إبفمّی شرفلک
إلزمان إلفتّگ إجروحک شرفلک
إو تزامط بیه یرهّمنه سویّه
***
إلصدگ نور إلوجه یا محب منقل
إو کوارث تنزل إعلی إلبشر منقل
سند حچیک إبگلبی گعد منقل
یظل سر مندفن حد إلمنیّه
***
غیابک عذّب إلدلّال بل حال
سبانی أرجوک سرنی إبخبر بل حال
أوّد أسمع کلامک ذهب بل حال
إو یبرّد گلبی من ضیم إلعلیّه
***
إتمرّضت من فرگاک إمعذّبنی یهوای
و أرجع شباب إویاک من تگعد إحذای
***
إمن أسمعک ینفتگ جرحی یخر دم
إو برکش عمری ما نیّح یخر دم
أحس گلبک مثل گلبی یخر دم
و أحس نهتات روحک ونهه إلیّه
***
إلتبس بإثیاب تزهیلک من ألوان
لأن دهرک سبب نوحک من ألوان
بعد ما ألومک إشمأ إتون من ألوان
إلگلبه ذکی ما یحمل أذیّه
***
أعتذر منّک خذت وکتک ولمساک
و أشم ریحان من ذوقک ولمساک
صمت بألامک إو ضیمک ولمساک
إشکثر عذّبنی دهری إسئل علیّه
***
عمر خلّصته أطوف إلدرب بس رأی
إشگلت ساجنّی غیر إلصدگ بس رأی
إشتراجب یا دهر بإلضرب بس رأی
وراک إحساب و إلقاضی أدره بیّه
***
صدیق إشما ندبت إو صحت عیناک
إو مشیت إویاک جدم إبجدم عیناک
ترهّیت إو شفت دوحسن عیناک
إو نسیت إویاک چنت أنا إلضحیّه
***
بنی أادم إبمعدنهم یحرکون
عذابی إلبارد إبطبعه یحرکون
إلکدیش إشما أدربنّه یحر کون
یظل إیزاگط إیذب ضیمه بیّه
حشیء ألسامع
***
تحلی إلگعده یم أهلی بهامای
إو یظل تذکارهه إبذهنی بهامای
إخوی إلما شرک همّه بهامای
ما أریده إبنفاه إیمر علیّه
***
أمل عندی أزورک یوم و أشفای
إببحر گلبی تبعنی إو غرگ وشفای
إبفرد بوسه طلبتک ردت وشفای
یبسن من شفت حسنک بلیّه
***
مالک صلاه لا صوم یألمحرب إویای
طعنات إلک بإلروح ما یاجد إدوای
***
إخوی إلعاف صیته لجل مرته
أبد ما أحن علیه ما أرید مرته
حلاته إلغیری بس ذب علی مرته
یوزّونه إلغرب عدهم نویّه
***
إبحلم و إبنومی إلک مرّه ولک لش
أشوف إبوات حاضرنی ولک لش
دعیتک و أنت رافضنی ولک لش
تجی لو ما تجی بیّنهه إلیّه
***
إلگلب ما حن علی غیرک ولک مان
تبع صایر لک إبذوقک ولک مان
إلتحبّه لیش یتدلل ولک مان
إیتأدّب لو لبسته إبموزمیّه
***
إبحبّک سلهمت روحی ونامت
عزیز إو محمل إفراگک ونامت
إبغیابک ما غفت عینی ونامت
أظل سهران و إصورّک بدیّه
***
علی هایج توز ربعک ورحماک
إلوعد لا وین دفنیته ورحماک
أنذرک لا تغث گلبی ورحماک
علیک إو تحزن إفهم مو خطیّه
***
گلبی إشما تون یشگر ونویاک
یجب تهمنی بخبارک ونویاک
تحب إنعیش بإلجنّه ونویاک
نطگ إصبع عمر نفرح سویّه
***
بیت إلیزهی بحلامه شجر بیه
شعلم إلنایم إبحقده شجر بیه
إلما یعرف ثمن خوتی شجر بیه
إمن أعلمه إیصیر جاسوس إعلی أخیّه
***
یگلبی إلما وفولک عمر یرهم
إو کلام إلبیه صفه للخلگ یرهم
أحبابی إلهسّه دواوی إبنار یرهم
إشمطفّی إو یشب غیره إبکل زویّه
***
عوف إلبشر لو خان إترکهم یولّون
لا تحسب إحسابات ویّه إلیکرهون
***
جاسم ثعلبی ألحسّانی 09/01/1402
ليست هناك تعليقات:
إرسال تعليق