أجمل إعلان
هي أغنيتي اللي بحب اسمعها
و كل ما تخلص من برجعها
كان لحنها حلو وكلماتها حلوة
كانت المفضلة وسط ألف غنوة
من حبي ليها كنت مستعد احفظها وأسمعها
عمري ما اتخيلت إن تيجي حاجة عني تمنعها
جيتي إنتي وكنتي إعلان يوتيوب
م الملل نسيت اعمله تخطي الإعلان
إعلان مفهوش محتوى زي بعض قلوب
مفهوش حاجة تشد لا كلام ولا ألوان
إعلان الكل شافه عادي بس انا شفته بالمقلوب
لو شفته زيهم مكنش عمره هيبقى عنوان
هي أغنيتي اللي بحب اسمعها
مفيش إعلان يشغلني ويمنعها
غير لو كانت هي في الإعلان
مش هعمل تخطي مهما كان
بحس انها اتكتبت عشاني كل ما بسمعها
عشان مشوفش أي إعلان قبل ما تخلص برجعها
هي أغنيتي اللي بحب اسمعها
مفيش إعلان يشغلني ويمنعها
خالد المنصوري مصر
ليست هناك تعليقات:
إرسال تعليق