ذيك الليالي
ربي سقى ذيك الليالي لحالي
والقلب خالي والهوى أرض بستان
أقطف من اعذوق الشجر كل حالي
والطير ينشد باللحن فوق الأمتان
والشرد تقبل لو رفعت العقالي
والوارده تِعزف لها عذب الألحان
والنار والقمرا وصفر الدلالي
ونهرٍ يباريها ومن فوق هتّان
راع الإبل لا صاح بالصوت عالي
الذود يعرف صيحته وين ماكان
يوم إن غيري بين سهل وجبالي
يطرد جرايرها على شاص وحصان
لا قلت شامه قالت أبشر يا غالي
تسمع صهيلٍ يلطم الكون باكوان
إن جيت للهيجا تسوق الليالي
لو كان هاجس خصمها مارد الجان
وإن جيت للأحباب در ولألي
تفتن برقصتها قلم كل فنّان
واليوم بعد الحب وش ذا جرالي
كنّي مقيّد وأنعفي كل ما بان
ياذا الغزال اللي مع البعد سالي
إرعى بصدري من أحاسيس وأشجان
صديق الحرف. أحمد محمد حنَّان
4/5/2020
الصورة لصاحبها
ليست هناك تعليقات:
إرسال تعليق